JAZZYGOLD, GÓWA, DANIA O. TAUSEN, ELINBORG PÁLSDÓTTIR OG FRUM fara at tulka løg hjá hvørjari aðrari!🎶

Ver vælkomin á Femininomen – ein serstøk kvinnukonsert í sambandi við altjóða kvinnudagin 8. mars.

Á pallinum standa fimm dugnaligar tónleikarar, sum hvør í sínum lagi seta sítt persónliga præg á kvøldið.

Í ár spenna løgini breitt, og hvør tulking letur nýggjar litir og nýggjar søgur koma fram.

Í húsorkestrinum verða Vár Miðberg, Inga Laksafoss, Katrina Olsen og Michala Sannino.

Vit gleða okkum til eitt serstakt kvøld og vóna, at tú vilt vera við at feira kvinnudagin saman við okkum!

Femininomen er fyri øll, sum vilja uppliva tónleik, felagsskap og vera við til at byggja javnstøðu millum kvinnur og menn á føroyska tónleikapallinum.

TAÐ VERÐUR FEMININOMINALT!🤩

‍

Froðbiar Sóknar Bluesorkestur spældi teirra fyrstu konsert um summarið 2007 á kongaligu pubbini á Tvøroyri. Løgini eru alt frá gomlum delta blues til nýggjari blues rock, soul og funk.

Eftir eitt steðg í 2016-2017, byrjaði bólkurin aftur við tí nú verandi manning, sum eru:

Dennis Lave (trummur)

Dávið Jacobsen (bass)

Óli Holbæk Mortensen (guitar)

Kristian Holbæk (vokal og mundharpu)

Tann 14. mars verður OY aftur fylt av orkuni og fangandi løgunum hjá Páll Finnur Páll.

Hetta kvøldið verður OY umskapað til eitt parallelunivers, sum bjóðar fólki møguleikan at mýkja stemmubondini og at seta lit á mentala landslagið.

Tey, sum bert eru von at syngja undir einari illa viðlíkahildnari brúsu, har baðiforhangi hungrar eftir rodalon, eru eisini vælkomin til krypteraðar tekstir og ristingar frá nýggju 432hz trummuni.

Tú kanst fyrireika teg uppá, at tú vaknar dagin eftir og hugsar “Havi eg verið á konsert, ella hava sangirnir bara átikið sær fastan bústað í heilanum?”

Kom við til eitt kvøld við Páll Finnur Páll, har alt kann henda, og okkurt helst fer at henda, sum tú ikki ert klár uppá.

‍