GØ

Ólavur Eyðunsson Gaard (gittar), Kristian Pauli Ellefsen (tangentar), Árni Jóhannesson (bass), Hjørtur Háberg (trummur), Sjúrður Zachariasson (saksofon)

Bólkurin GØ bleiv stovnaður í 2015 av fýra ungum tónleikarum, ið vóru troyttir av at spæla pent og rætt. Í dag eru hesir nakrir av mest umbidnu tónleikarunum í Føroyum, og teir halda enn fast í somu rebelsku tilgongdini, tá teir skriva og spæla tónleik; alt er lov í GØ. Meðan ljóðmyndin, ið GØ skapar, leitar sær aftur til 60’ini og 70’ini, so bera kompositiónirnar brá av film noir, spaghetti western, jazzi og rokki.

Seinasta árið hevur GØ spælt nógv bæði í Føroyum og uttanlands. Eitt nú á Reykjavík Jazz Festival, har bólkurin megnaði at imponera íslendsku fjøldina, umframt at fáa góð skoðsmál frá stóra jazzprentinum Jazzwise.

‍

Tunghoyrt

Bjarni Jakobsen (trummur), Erik Reynheim (bass), Helge Greve (gittar), Jóni Strøm (sang)

Tunghoyrt er ein bólkur, sum spælir harðan tónleik. Navnið Tunghoyrt kemur av orðinum “tunghoyrdur”, ið merkir illa hoyrdur ella næstan deyvur.

Tunghoyrt hava havt nógvan viðvind seinastu tvey árini og eru nógv umbidnir runt umkring.

Fyrr í ár útgóvu teir sína fyrstu plátu, EP'ina "ÓJÓ.

‍

Eftir 23 ár uttan konsertir spældu Clickhaze ein sera væl fagnaða konsert leygarkvøldið á G! í ár.

Nú verður høvið at hoyra tey spæla umaftur - fríggjakvøldið 4. september í OY í Havn.

Ein sjáldsamur møguleiki at uppliva ein av mest sermerktu føroysku bólkunum aftur á pallinum.

‍

Fest og ballade við 21KNM!

Teir hava sett liv i óteljandi veitslur kring alt landið - og nú koma Jens Eli, Petur, Brandur og Hans Oluf at sparka lív í og garantera okkum eina sanna veitslu í OY.

21KNM gongur høgt uppí at fáa fjøldina við, so tað følist sum at tú ert 21KNM. Við løgum sum "MAT Í LUUX", "Bovla Leirvik", "Effo date", "Camping" og “Streymurin” fáa teir ALLA fjøldina at syngja, flenna og dansa viõ.

21KNM er undirhald, speisemi og show - og tú ert ALTIĐ við uppá tað!

‍

Nashville Nights kemur aftur til Føroyar
‍Eftir eina sera væl eydnaða fyrstu Nashville Nights-konsert í OY í fjør, kemur Nashville Nights nú aftur til Føroya.

Gleð teg til eitt heilt serligt konsertkvøld, tá Kristel Lisberg, Blue Foley og Eric Erdman fara á pall saman í einum autentiskum Nashville Writers Round.

Eitt Writers Round er eitt serligt konsertformat, sum er ein stórur partur av tónleikalívinum í Nashville. Artistarnir sita saman á pallinum, skiftast um at framføra sínar sangir og fortelja søgurnar aftan fyri teir – hvussu sangirnir vórðu til, hvørjar upplivingar inspireraðu teir, og hvussu teir í summum førum endaðu hjá øðrum kendum artistum.

Tí er Nashville Nights meira enn bara ein konsert. Tað er eitt nærverandi kvøld við sterkum sangum, persónligum søgum, humor og einum smakki av tí serligu songwriter-mentanini, sum Nashville er kent fyri.

Kristel Lisberg hevur í fleiri ár ferðast til Nashville fyri at fylgja sínum countrydreymi, har hon hevur skrivað og innspælt nýggjan tónleik. Hon er eisini fyriskipari av Nashville Nights í Føroyum og fer við sínari sterku countryrødd at hugtaka við løgum smíðaðum í Nashville.

Blue Foley er Grammy-tilnevndur sangskrivari, artistur og framleiðari og stovnari av Nashville Nights. Hann hevur meira enn 20 ár á baki í Nashville og hevur fingið yvir 250 sangir innspældar av øðrum artistum.

Eric Erdman er amerikanskur sangskrivari, guitaristur og troubadour, kendur fyri sterka storytelling og humor. Sangir hjá honum eru m.a. innspældir av The Red Clay Strays, og hann hevur vunnið fleiri sangskrivara- og tónleikavirðislønir.

Saman skapa tey eitt kvøld, har føroyskur og amerikanskur countrytónleikur møtast í tí, sum Nashville snýr seg um: sangirnir, søgurnar og menniskjuni aftan fyri teir.

Plúmm hevur verið til síðani miðskeiðis í 80’unum. Bólkurin hevur virkað bæði sum sjálvstøðugur bólkur og spælt undir hjá øðrum innan fleiri sjangrur, t.d. rock, popp, country, folk og jazz. Best kent er samstarvið við Terja Rasmussen undir heitinum “Terji & Føstufressar”. Tá hesir tónleikarar koma saman sum Plúmm, er tað við egnum fortreytum. Lagt verður upp til eina konsert við anarkistiskum blandi av sjangrum við intensum, flúgvandi improvisatiónum. Hesaferð verður James Olsen við sum slagverksleikari og sangari. Tónleikararnir í Plúmm teljast millum fremstu í landinum.

‍

Pan-ArcticVision 2026 After Party

Musicians from Pan-ArcticVision enter the stage for a border-crossing live After Party when the TV-broadcast at Norðurlandahúsið is over.

Pan-ArcticVision is a "Eurovision" for the northern parts of the globe. This international music event is moving around the north and has chosen Føroyar as the host of 2026. Last year’s event was in Iqaluit in Canada, before that in Nuuk in Kalaallit Nunaat.

Musicians from Alaska, Northern Canada, Greenland, Iceland, Faroe Islands, Northern Norway, Northern Sweden, Northern Finland and Arctic Russia are gathered in Tórshavn for a live broadcast event at Norðurlandahúsið the week leading up to October 2nd 2026. After the TV-cameras are turned off, they all meet at OY for the after party.

A few of the participating artists will perform live as we celebrate northern song, community and independence! Let’s unite the North in song!

‍

10. oktobur spæla RSP í Oy! Hvørjaferð teir hava verið í Oy, hevur tað kókað. Hesaferð er einki undantak. Teir hava Føroya besta ljósmann við sær eisini. RSP eru kendir fyri sínar villu liveframførslur, við fangandi og stuttligum tekstum. Og eftir hondini duga tey flestu størsta partin av teirra tekstum uttan at. Best er at møta, um tú einki vil angra.

‍

Broken Signal, sum er ein tungur og harður metalbólkur við hørðum og skjótum riffum, djúpum ljóði og massar av orku. Tónleikurin er inspireraður av metallegendum sum Metallica og Slipknot. Og sjálvir spæla teir bæði progressivemetal og thrash metal.

Hóast teir eru ungir, hava teir longu eina greiða kós. Teir allir eru 17 ára gamlir.

Guðrun & Bartal hava konsert í OY leygarkvøldið 30. oktober klokkan 21.

Á skránni eru fram um alt nýklassisku løgini á fløguni, Vónin er, ið Guðrun & Bartal góvu út í 2013. Umframt tað verða eisini tulkingar av kendum løgum á skrá og nøkur óútgivin løg eisini, Við á konsertini er full manning.

Tann 7. november verður OY karmur um eitt serligt kvøld, tá ið Faroe5 aftur fer á pall við sangunum, sum so mong kenna og elska.

Faroe5 gav fyrstu stakløgini, "Bara Eitt Spæl“ og "Tú Fert Altíð At Vera Har“, út á summri í 2008, og tá ið heildarútgávan kom út seinni sama ár, vóru enn fleiri hitt á henni.

"Eg Vil Hava T“, "Eina Langa Nátt", "Sama Gerð", "Sjeikurin", "Droymi Mitt Um Dagin" og hini hittini hava livað víðari og eru vorðin partur av føroyska popp-sangskattinum og ljóðmyndini hjá fleiri ættarliðum.

Á pallinum standa tær somu fimm songkvinnurnar, sum myndaðu Faroe5 frá byrjan: Lillian Dalsgaard, Asta Højgaard, Jónvá Ellingsgaard, Ragnhild Dam og Vígdis Fjallstein

Christiansen.

Við nøkrum nýggjum popphittum og einum sangskatti, sum hevur staðið sína roynd í nærum tvey áratíggju, er lagt upp til eitt kvøld við nostalgi, poppi, veitslu og felagssangi.

Faroe5 – live í OY tann 7. november

‍

Plátuaktuelli rokkbólkurin Wolfgang spælir á OY 14/11.

Eftir eina Føroya-turné við nýggju sjálvnevndu plátuni í vár eru Wolfgang nú klárir at spæla á OY, leygarkvøldið 14/11 kl. 21.

Upprunamanningin: Einar jacobsen á sangi, Bergmann Finnsson og Heri Joensen á gittara, Gunnar Thomsen á bassi og Kári Streymoy á trummum siga, at teir eru 100 alc. pct. klárir. Komið og fái tykkum eina góðan bita, kanska eina øl, og upplivið Wolfgang fyri fullum útblástrið.

Jazzur í OY

Í november tykist Tórshavn at hvørva í regninum, langt áðrenn náttin er umliðin.

Kvøldið tann 21. vilja vit bróta hesa náttina sundur!

Og vit seta eld í náttina — við skjótum jazzi, fríum spæli, livandi tónum og einari rytmu, sum dregur fólk inn í dansin og fær tað at tykjast púra óneyðugt at sita stillur!

Við Vár og Vár’s Havnar Boys skiftir tónleikurin millum sangir og frítt spæl, millum nakað, sum er væl lagt til rættis, og nakað, sum kann broytast fullkomiliga eftir bara nøkrum fáum sekundum!

Í bólkinum eru Justin James Villanueva á saksofon, Arnold Ludvig á bassi, Kristian Pauli Ellefsen á klaveri og Rógvi á Rógvu á trummum.

Vit eru nóg ung til at missa tamarhaldið eina løtu!

Og vit kenna jazzin nóg væl til at vita akkurát, hvat vit missa tamarhaldið fyri)

‍

Við sangum sum «Oktober, Bergen by», «Bittelitt» og «Alma» hevur Spellemann Award vinnarin Oddny fyri langari tíð síðani markerað seg í norska tónleikaheiminum.

Við sínum heilt egna og lætta stíli er framførslan full av kenslum, nærleika og innliving. Á pallinum eru tey vorðin eitt av teimum mest umrøddu í Noregi, og í 2025 tóku teir bæði festivalar og konsertsalir við stormi – frá smáum til stórum pallum í bæði Noregi og Svøríki.

Oddny er nú aftur við nýggjari orku, nýggjum plektrum og greiðum ætlanum. Teir koma við fullari ferð, við sangum sum raka beint í hjartað uttan at banka uppá.

‍