Spælimenninir í Hoydølum 50 ár

‍

Spælimenninir í Hoydølum byrjaði uppi á Studentaskúlanum í Hoydølum norðan fyri Tórshavn í August 1974. Tað vóru Kristian, Hans Ole og Maggi sum spældu við frá byrjan. Alistair kom upp í summarið 1976; Janne, Christina og Jógvan stutt eftir tað.

Teirra fyrstu upptøkur vóru gjørdar í 1977 við Kristiani Blak á klaver, "sangi" og hootch, Jógvan Dahl spældi banjo og gittar, Magnus Pauli Poulsen violin og streingjabass, Christina Lindén violin og sang, Hans Ole Larsen violin, Janne Danielsson violin, hardanger, spelåpipa og óljóð meðan Alisatair Cochrane taldi niður og spældi á blokkfloytu, mandolin, tinfloytu, gittar og sang.

Eldri limir, sum ikki vóru við á upptøkunum, vóru Thorkild Rose frá Krusaa í Danmark á klarinet; Asbjørn Strøm av Tvøroyri á harmoniku; Keld Lund úr Keypmannahavn á streingjabassi; Kolbein Simonsen úr Tórshavn á elektriskum bassi; harafturat vóru fleiri onnur sum eisini høvdu spælt við Spælimonnunum til ymisk høvi.

Spælimenninir spældu nógv til dans kring alt Føroyaland í byrjanini. Bólkurin stóð av innbjóðandi fólkatónleikarum úr nógvum londum og mentanum, tí bleiv teirra tónleikaskrá eisini ávirkað av hesum við eini góðari blanding av skandinaviskum, norðuramerikanskum og bretskum fólkatónleiki.

Á sumri 1977 bókaði Alistair "Tað stóra føroyska ferðashowið" til Caithness, Orkney og Hetlands at spæla. Hesin túrurin bleiv byrjanin til ein av mongum konsertferðum, sum Spælimenninir fóru á komandi tíðina. Fyrst øll, seinni – umleið 1978 – við eini kvartett sum stóð av Sharon Weiss, Ívar Bærentsen, Kristian Blak og Janne Danielsson. Hetta opnaði fyri einari rúgvu av møguleikum og ferðaðust tey fýra um øll norðanlond og til nábúgvarnar í Skotlandi, Hetlandi, á Orkney oyggjunum, í Norður Amerika, tvørtur um alt USA og í Kanada at spæla konsertir á ymsum festivalum og til dans. Tey vóru regluliga avstað fleiri ferðir um árið. Eitt hæddarpunkt var í USA, har tey fleiri ferðir vóru boðin í beinleiðis útvarp hjá Minneapolis ”A Prairie Home Companion” við milliónum av lurtarum um allan heimin.

Stutt eftir hetta bleiv Spælimenninir til eina sekstett við violinistinum Erling Olsen og bassistinum Charlie Pilzer eisini. Hesi seks blivu fastu limirnir í bólkinum í nógv nógv ár. Í 2014 mátti Janne tíverri gevast við at ferðast og tá tók Lars Kristensen yvir á violin og hevur nú spælt við á fleiri konsertferðum í Danmark, Føroyum og USA seinastu árini.

Men hvussu við "opna" bólkinum sum var í fyrstuni, hugsar tú kanska. Jú, hann er enn til. Hvørt summar skipa Spælimenninir fyri at ung sum gomul kunnu sleppa at spæla uppi í hesum stóra bólkinum við yvir 20 tónleikarum. Soleiðis hava tey spælt á m.a. Fólkatónleikastevnuni og á G!

festivalinum, v.m. Spælimenninir hava eisini givið øðrum bólkum íblástur til at stovna egnar bólkar í Føroyum og skipað seg. Til dømis spurdist Fólkatónleikarafelagið, eisini burturúr Spælimonnunum, sum síðani 1984 hava skipað fyri konsertum, verkstovum og Fólkatónleikastevnuni.

Tónleikaskráin er voksin nakað nógv síðani 70ini við løgum hjá óteljandi skøldum úr øllum londunum omanfyri, so nú í 2024 verður møguligt at hoyra og dansa til eitt heilt serligt føroyskt úrval av sangum.

‍

‍

Útgávur:

Spælimenninir í Hoydølum:

Spælimenninir í Hoydølum (1977), Umaftur (1978), Burturav (1980), Á ferð (1984),

‍

Spælimenninir:

Rekaviður (1984), Hinvegin (1986), Flóð og Fjøra (1996), Malargrót (2003)

‍

Fagna føðingardagin hjá jazzygold við einari heilt serligari liveframførslu í OY endan august!

Við sínum serstaka blandi av R&B og dreymakendum poppi skapar hon eitt rátt, óttaleyst og fangandi univers, har røddin situr eftir langt eftir síðsta tónan.

Hon hevur akkurát útgivið sína debut-EP it’s been a while og skal spæla á The Great Escape (UK), Arctic Sounds (GL), G! Festivalinum (FO), og Summar Festivalinum (FO), so jazzygold er klár og fyrireika at geva tær eitt ógloymandi kvøld.

Fríggjakvøldið 8. august fer Jógvan fyri fyrstu ferð á pall á OY.

‍

Hann er júst liðugur við kandidatútbúgvingina á Rytmiska Konservatoriinum í Keypmannahavn, har hann serliga hevur arbeitt við føroysku siðvenjuni. Í sínum nýggjastu verkum hevur hann yrkt og formað nýggj kvæði, har hann sameinir føroyska og grønlendska siðaarvin. Verkætlanin, sum Jógvan arbeiðir við í løtuni, eitur Ríkisfelagsskapurin. Tónleikurin hevur ein minimalistiskan dám, har endurtøkur og dronur mynda ein serstakan samleika – ein ljóðlig ferð millum mentanir og landsløg.

‍

Á pallinum hevur hann við sær:

• Andreas Tykjær Restorff

• Tróndur Bogason