G! Upphiting

Ásetan av armbondum, tónleikur, dystur og matur alt kvøldið! 

Marius DC diskar kl. 17 og aftaná kemur Dan Olsen við bólkið at framføra.
Kl. 20 vísa vit HM dystiná stórskíggja.
Eftir dystin koma Printz Board & The Butterfunk Family á pallin við funk tónleiki beinleiðis úr LA! 
Síðani kemur Marius DC aftur at fylla húsið við tónleiki.

Eitt vilt kvøld, við nógvum góðum at bjóða uppá - perfektur forsmakkur uppá G!

Trio Ciocaia (IT)

Marco Mainini (sang, emilia piva, fife), Ferdinando Gatti (emilia piva, gittar, sang), Fabio Bonvicini (tveyradar, emilia piva, sang)

Ciocaia varð uppkallaður eftir “skotunum”, ið fingrar hansara gjørdu við ljóðførinum, og var ein av teimum seinastu stóru emiliansku piva-spælarunum í Parma Apennine fjøllunum í Italia.

Trio Ciocaia hevur tikið sær hetta navnið fyri at heiðra gomlu bóndasiðvenjuna og brúkar emiliansku piva'ina, sum hoyrir til stóru sekkjapípu familjuna, at endurskapa sambandið við hesa serstøku tónleikaligu mentanina.

Tónleikaúrvalið samantvinnar sangir og dansir úr fólkamentanini við brot úr klassiskum tónleiki úr 600 talinum – einari tíð, tá tað sigst, at sannur tónleikaarvur og -mentan varð styrkt.

‍

Alterne (DK/EE/BE)

Ida Marie Jessen (sang), Oscar Beerten (violin, hardangerfele), Maimu Jõgeda (harmonika)

Við nútímans sangskriving strikar dreyma folk trioin Alterne markið millum popp, folk og ambient. Bólkurin er danska sangarindan Ida Marie Jessen, belgiski violinisturin Oscar Beerten og estiski harmonikuleikarin Maimu Jõgeda. Saman skapa tey eina hugtakandi og dreymakenda ljóðmynd.

Alterne hevur framført á festivalum sum FolkBaltica (DK), Lõikuspidu (EST), Boglárt (HU), Bijloke (BE) og Merode (BE), og hevur hugtikið áhoyrarar um alt Evropa.

Fyrsta plátan hjá teimum kom út í 2024 á GO’ Danish Folk Music og hevur fingið góða altjóða móttøku. Eric Van Domburg Scipio frá Heavenmagazine.nl hevur m.a skrivað: “Sangur og rødd hjá Jessen eru í heimsklassa, ikki minst saman við vøkru útsetingunum hjá tríbólkinum. 2024 kann ikki koma við nógvum fólkatónleiki afturat, ið er vakrari enn hetta.”

‍

Ingmar + Loyniligur Gestaris

Ingmar Berg Mikkelsen (sang, klaver), Sakaris (sang), Ari Johannesen (gittar), Katrina Olsen (sang, saksofon, kór), Jósef Magni Heinesen (trummur), David Simonsen (bass)

Ingmar trínur sprækin og spølin á pall í Oy – og áðrenn langt er liðið og nakar grunar, loypur fullkomiliga dulnevndur Loyniligur Gestaris við upp á pall so sniðfundiga við enn einum stappaðum posa av gleði, gleimi og glymi.

Áhoyrararnir kunnu vænta sær søguliga framførslu, sum fær røttu fjaðrarnar at reisast í rættum gildi, har ið afturpartur ikki kennir stól.

‍